مكاني انحفظ عالي ..بنيته ساس تحت اركان
صعيب الوقت لي منك.. نويت انك تغيرني
تراني شامخ ٍ ثابت..ولا توزني الاوزان
لا موجه بحر توصل.. ولا انس ٍ ولا جني
حفرت اسمي على صخرة ..وثبته مع العنوان
كفيل الوقت يافلان(ن).. بانه بك يعرًفني
يعلمني الزمن اخذ ..برايي واثبت التبيان
ولو قدري نوى حتفي انا للموت مستني
أنا ملبس لباس الذل.. مرضى لعيشتي نقصان
انا بالخير اطاوعهم ونفسي إلهم تطوعني
تلازمني وتملكني..وتهديني عظيم الشان
بشانٍ به انا اتميًز ..وكل الناس تعرفني
فلا يغرك غروري يا ..وطالع داخلي الانسان
وميز يا عسى تفهم وترجع لي وتفهمني
لا ما همني اسمك.. ولا فلان ٍ ولا علان
اسامي الناس ماهمت..ولا تفرض ولا تسني
خسارة وقتنا تغير..وصار رجالها نسوان
تباروا بالغناء حتى.. لقيت الشاعر يغني
عجيبه دنيةٍ فيها لئيم القوم في الفرسان
يبارزها على خيله واصله في الردى يدني
تلوموني على غروري؟انا مارتضي الخذلان
ورايي عزّت اعزومي ولا ارضى حد يحقرني
